मायकल खरात संपादक, दैनिक बोल नाशिक
विविध क्षेत्रातील उच्चपदस्थ व्यक्तीला साहेब म्हणतात असा सर्वसाधारण सर्वांचाच समज आहे, या विविध क्षेत्रांपैकीच एक पोलीस विभाग… गुन्हा घडला तर गुन्हा नोंदवून घेणे आणि गुन्हेगाराला पकडून शिक्षेपर्यंत पोहोचवणं, दंगल असो की उत्सव बंदोबस्ताला सदैव तत्पर अशाच काही पोलीस खात्याशी निगडित इतर गोष्टींसाठी पोलीस आहेत असेच सगळ्यांना माहीत आहे….. ह्या सगळ्या गोष्टी खाकी परिधान केलेला पोलीस दादा शपथ घेतल्यापासून त्याच्यावर असलेलं हे कर्तव्य बजावत असतो……. परंतु या सगळ्या पलीकडे पोलीस अजून काय काम करू शकतो? अजून काही करू शकतो का? या प्रश्नांचे उत्तर वनी पोलीस स्टेशनच्या हद्दीत राहणाऱ्यांकडून नक्कीच मिळेल…. ते सांगतील अधिकारी असल्याचा कधीही गर्व न बाळगता, डोक्यात पोलीस अधिकारी असल्याची हवा न जाऊ देता लॉ अँड ऑर्डर, सीआरपीसी, आयपीसी (आत्ताची भारतीय न्याय संहिता) उत्तमरित्या सांभाळून सर्वसामान्य व गोरगरीब लोकांच्या मदतीसाठी कायमच तत्पर असणारे पोलीस अधिकारी स्वप्निल राजपूत यांचे नाव निश्चितच पुढे येईल…. अतिशय गरीबी, निराक्षर आणि दारिद्र्य घेऊन जगणाऱ्या सर्वसामान्य लोकांना रोजचे जीवन जगताना अनेक अडचणींचा सामना करावा लागतो, विविध कागदपत्र मिळवण्यासाठी सरकारी कार्यालयात काय वागणूक मिळते ही वेगळे सांगायला नको…. असे अनेक लोक स्वप्निल राजपूत यांच्याकडे येत असत, साहेब आम्हाला राशन कार्ड देण्यास अमुक कार्यालयात खूप अडवणूक होत आहे, साहेब वीज कार्यालयातील अधिकारी आमचं ऐकून घेत नाही हूसकावून लावतो, ह्या व अशा अनेक वैयक्तिक पोलीस खात्याशी निगडित नसलेल्या अडचणी देखील हे सर्वसामान्य भोळेभाबडे लोक राजपूत साहेबांकडे घेऊन येत असे… मग काय समोरच्या कार्यालयातील संबंधिताला फोन करून दम देऊन नाही तर विनंतीपूर्वक प्रेमाने साहेब आपल्या कार्यालयात माझ्या परिचयाचे अमुक अमुक लोक येत आहेत कृपया त्यांचं काम बघा तेवढं करून द्या हे लोक अतिशय गरीब आहेत एकाच कामासाठी वारंवार आपल्या कार्यालयापर्यंत येण्यात या लोकांचा खूप वेळ आणि आधीच त्यांच्याजवळ असलेले थोडेसेच पैसे तेही खर्च होतात त्याचा परिणाम त्यांच्या कामावर किंबहुना त्यांच्या कुटुंबावर होतो…. राजपूत साहेबांनी सांगावं आणि त्या गरिबाचे काम झालेच म्हणून समजावे, काम झाल्याच्या आनंदात अश्रूंनी पाणवलेले त्या गोरगरिबांचे डोळे, चेहऱ्यावरील आनंद हा म्हणजे प्रत्येक वेळी राजपूत यांना सुखावून टाकणारा क्षण जो त्यांच्या चेहऱ्यावर दिसून येत असतो जो अनेकांनी अनुभवला आहे. त्यामुळेच तर वनी पोलीस ठाण्याचा कार्यकाळ पूर्ण करून बदली झाल्यानंतर संपूर्ण ग्रामस्थ, पोलीस ठाण्यातील सहकारी यांना अश्रू आवरणे अवघड झाले होते, धाय मोकळून साहेबांच्या बदलीमुळे जो तो हवालदिल झाला होता, त्यांना निरोप देतेवेळी संपूर्ण गावातून वाजत गाजत त्यांची मिरवणूक काढण्यात आली. अहो मिरवणूक कुणाचीही निघते का? ज्याचं कर्तुत्व त्याचीच मिरवणूक निघणार ना. परीक्षा दिली, चांगल्या मार्कांनी पास झालो, अधिकारी म्हणून निवड झाली, आपल्यावर असलेली व सोपवलेल्या जबाबदारी व्यतिरिक्त आपली सामाजिक जबाबदारी म्हणून दुःखी, कष्टी लोकांच्या उपयोगी पडणे हेच खरं अधिकारीपण असे राजपूत साहेब कायमच म्हणत असतात आणि खऱ्या अर्थाने प्रामाणिक सेवाकार्य करत जास्तीत जास्त लोकांना न्याय मिळवून दिला तरच आपण साहेब झाल्याचा खरा अभिमान बाळगायला हवा असे स्वप्निल राजपूत यांचे विचार आहेत. आज पोलीस निरीक्षक स्वप्निल राजपूत साहेब यांचा वाढदिवस म्हणूनच तर त्यांच्या वाढदिवसाच्या निमित्ताने त्यांच्याविषयी लिहावसं वाटलं……
