दिंडोरी प्रतिनिधी
दिंडोरी-पेठ विधानसभा मतदारसंघाचे माजी आमदार रामदास चारोस्कर व सुनीता चारोस्कर व कार्यकत्यांचा भारतीय जनता पार्टीत भव्य पक्ष प्रवेश व कार्यकता पदाधिकारी मेळावा सोमबार, दि. ३ नोव्हेंबर रोजी सकाळी ११.०० बाजता, संस्कृती लॉस, नवीन मार्केट वार्ड शेजारी, दिंडोरी येथे आयोजित करण्यात आला आहे. भारतीय जनता पार्टीचे प्रदेशाध्यक्ष रवींद्र चव्हाण, जलसंपदामंत्री गिरीष महाजन यांच्या प्रमुख उपस्थितीत माजी आमदार रामदास चारोस्कर आणी जिल्हा परिषदेच्या माजी समाजकल्याण सभापती सुनीता चारोस्कर हे भारतीय जनता पक्षात प्रवेश करीत आहेत. त्यांच्या सोबत दिंडोरी कृषी उत्पन्न बाजार समितीचे सभापती उपसभापती, संचालक आजी माजी नगराध्यक्ष, नगरसेवक, ग्रामपंचायत सरपंच, उपसरपंच, सदस्य, विविध कार्यकारी सहकारी संस्थांचे चेअरमन, व्हा. चेअरमन त्याचप्रमाणे शिवसेना शिंदे गट, शिवसेना ठाकरे गट, राष्ट्रवादी शरद पवार गटाचे आजी माजी पदाधिकारी, कार्यकर्ते मोठ्या संख्येने कार्यकर्ते भारतीय जनता पक्षात प्रवेश करणार असल्याची माहिती आयोजकांनी दिली. या कार्यक्रमास भारतीय जनता पार्टीचे प्रदेशाध्यक्ष आमदार रवींद्र चव्हाण व जलसंपदा आणी आपत्ती व्यवस्थापन मंत्री गिरिश महाजन आदी प्रमुख उपस्थित राहणार आहेत. त्यांच्या सोबत प्रदेश व जिल्हा पदाधिकारी, स्थानिक
लोक प्रतिनिधी, तसेच दिंडोरी-पेठ विधानसभा परिसरातील नागरिक मोठ्या संख्येने उपस्थित राहतील अशी माहिती आयोजकांनी दिली आहे. दिंडोरी शहरात प्रदेशाध्यक्ष रवींद्र चव्हाण प्रथम येत असल्याने त्यांचे जंगी स्वागत केले जाणार आहे. दिंडोरी येथे मिरवणूक काढण्यात येणार आहे. त्याचप्रमाणे कार्यकत्यांशी संवाद सुध्दा केला जाणार आहे.
