पेठ प्रतिनिधी
महाराष्ट्र राज्य आदिवासी विकास महामंडळाच्या निवडणुकीत नाशिक गटातून संचालकपदी राज्याचे अन्न व औषध प्रशासन मंत्री नरहरी झिरवाळ यांचे चिरंजीव गोकुळ झिरवाळ निवडीबद्दल पेठ तालुक्यात कार्यकर्त्यांकडून स्वागत तसेच जल्लोष करण्यात आला. महाराष्ट्र राज्य आदिवासी विकास महामंडळाच्या निवडणुकीत नाशिक गटातून गोकुळ झिरवाळ संचालकपदी निवडून आले आहेत. आदिवासी विकास महामंडळाच्या १७ जागांसाठी मतदान झाले होते. निवडणुकीचा निकाल हाती आला त्यामध्ये नाशिक गटातून गोकुळ झिरवाळ विजयी झाले गोकुळ झिरवाळ आणि इंद्रजीत गावित यांनी एकाच पॅनेलमधून निवडणूक लढवली होती. त्यात १६३ मतांपैकी गोकुळ झिरवाळ यांना १०७ मते मिळाली. सर्वाधिक मते मिळाल्याने विजयी घोषित करण्यात आले. यावेळी गोकुळ झिरवाळ यांच्या निवडीचे श्याम गावित , नगराध्यक्ष करण करवंदे, तुळशीराम वाघमारे, रामदास गवळी, प्रवीण बिडगर, शुभम संगमनेरकर, संदीप शिरसाठ, राजू कपें, किरण कोरे, जगदीश गावित, यांच्यासह तालुक्यातील नागरिकांनी स्वागत केले .
