Home Uncategorized पाचशेच्या बनावट नोटांची बनवेगिरी थांबणार कधी

पाचशेच्या बनावट नोटांची बनवेगिरी थांबणार कधी

0

नाशिक प्रतिनिधी

नाशिक जिल्ह्यात बनावट नोटांच्या रॅकेटचा पर्दाफाश करण्यात आला. यामुळे घाऊक व्यापारी आणि किरकोळ व्यापा-यांचे धाबे दणाणले आहेत. त्यामुळे बनावट नोटांची बनवेगिरी थांबणार कधी, असा प्रश्न उपस्थित होत आहे. लाखो रुपयांच्या बनावट नोटा या बाजारात आल्याची शक्यता आहे. हुबेहूब पाचशे रुपयांच्या नोटा असल्याने सर्वसामान्य लोकांना सर्रासपणे चुना लावला जात आहे. अर्थात बँकेत गेल्यावरच त्या बनावट नोटा आहेत हे कळेल, अशा त्या नोटा बनविण्यात आल्या आहेत. त्यामुळे सर्वसामान्यांची फसगत तर होणारच. त्यामुळे आता व्यापाऱ्यांचेही धाबे दणाणले आहेत. घाऊक व्यापारी, किराणा दुकानात, पेट्रोल पंपावर गेल्यावर ग्राहकाने पाचशे रुपयांची नोट काढली, की आता मालकाचे डोळेही विस्फारू लागले आहेत. प्रत्येक ठिकाणी पाचशे रुपयांची नोट दिसली की, ती तपासल्याशिवाय कोणीही घेत नाही, अशी अवस्था झाली आहे. अर्थात ते बरोबरही आहेच, कारण यापूर्वी लाखो रुपयांच्या नोटा या बाजारात आल्याची नाकारता येत शक्यता नाही. त्यामुळे व्यावसायिक आणि व्यापाऱ्यांकडून खबरदारी घेतली जात आहे आणि ती बरोबरही आहेच. हे झाले ज्यांच्याकडे नोटा तपासणीचे मशीन आहे त्यांचे. पण ज्यांच्याकडे नोटा तपासणीचे मशीन नाही, त्यांचे काय? त्यांना कोण ना कोण गंडा घालणारच, रस्त्यावर बसून जे व्यापारी व्यापार करतात, ते कोतून नोटा तपासणीचे मशीन आणणार? खरंय ना? त्यामुळे यावर उपाय म्हणजे ऑनलाईन बैंकिंग ! आता सर्रास सर्वांकडे ऑनलाईन बँकिंगची सुविधा आहे. त्यामुळे त्याचा जास्तीत जास्त वापर केला, तर व्यवहारात पारदर्शीपणा येईल किंवा ज्या व्यापाऱ्यांना शक्य आहे, त्यांनी नोटा तपासणीचे मशीन घेणे गरजेचे आहे. त्यामुळे बनावट नोटा बाजारात येणार नाहीत आणि आल्याच तर त्या ताबडतोब पकडल्या जातील, आता तर निवडणुकांचा हंगाम सुरू होत आहे. यामध्ये बनावट नोटा चलनात येण्याची शक्यता आहे. मालेगावला पकडण्यात आलेल्या नोटा या कमिशनवर देण्यात येत होत्या. काही राजकीय नेत्यांकडून त्यांचा वापर होऊ शकला असता, पण त्या वेळीच पकडल्या गेल्यामुळे मोठा अनर्थ टळला आहे.

नोटांची पाळेमुळे खोलवर…

महाराष्ट्रात अनेक ठिकाणी बनावट नोटा छापण्याचे रॅकेट सुरू आहे. ते कोणीही नाकारू शकत नाही, कारण पोलिसांनी यापूर्वी केलेल्या कारवाया ! पण या रॅकेटशी संबंधित असणारे काहीजण अद्याप मोकाट आहेत. त्यांचा प्रत्यक्ष संबंध आला नसला तरी अप्रत्यक्ष संबंध कोठे ना कोठे आला असण्याची शक्यता आहे. त्यामुळे त्यांच्या मुसक्या आवळनेही गरजेचे आहे. कारण त्यांना आता मोकाट सोडल्यास, अन्य कोणाच्या तरी सहकार्याने ते बनावट नोटांचा कारखाना थाटू शकतात, त्यामुळे बनावट नोटांच्या प्रकरणाशी निगडित असणाऱ्या कोणालाही पोलिसांनी बगल देऊ नये, अशी सर्वसामान्य नागरिकांची भावना आहे. तशी प्रतिक्रिया देखील उमटत आहे.

NO COMMENTS

LEAVE A REPLY

Please enter your comment!
Please enter your name here

×

No WhatsApp Number Found!

WhatsApp us

Exit mobile version