वणी प्रतिनिधी
मावशीला भेटुन दुचाकीवरुन परतत असताना दुचाकीसमोर छोटा हत्ती वाहन लावुन युवकाच्या डोक्यात लोखंडी राॕडने वार करुन दहशत माजविणार्या तीन संशयीता विरोधात दिंडोरी पोलिसात गुन्हा दाखल करण्यात आला आहे, याबाबत प्राप्त माहीती अशी , राजाराम रामलाल वतार हे मजुरीचे काम करतात मुळ जानोरी ,तालुका दिंडोरी येथील राहीवाशी असुन सध्या माळीवाड , आनंदवल्ली येथे वास्तव्यास आहेत.वतार हे त्यांची मावशी वस्तलाबाई निंबाळकर यांना भेटण्यासाठी शिवनई येथे गेले होते,मावशीची भेट घेऊन ते आनंदवल्ली येथील त्यांचे घरी दुचाकीने परतत असताना वरवंडी शिवारात शिवनई ते म्हसरुळ रस्त्यावर महावीर काॕलेजचे गेटसमोर अचानक छोटा हत्ती हे वाहन संशयीतांनी दुचाकीला आडवे लावले व विनाकारण या वाहनातुन उतरुन वतार यांना लाथा बुक्यांनी मारहाण करुन शिवीगाळ केली व तिघांपैकी एकाने वतार यांच्या डोक्यात जीवे मारण्याच्या हेतुने लोखंडी राॕडने वार केला त्यात वतार हे गंभीर जखमी झाले.त्या दरम्यान काही महीला येथुन जात होत्या हे संशयीतांनी पाहताच तेथुन पळ काढला.वतार यांचे फिर्यादीवरुन कार्तिक गडकरी , पुरुषोत्तम वसंत गटकळ ,सुयश तुळशीराम गटकळ सर्व रा,शिवनई ता.दिंडोरी यांचेविरोधात दिंडोरी पोलिसात गुन्हा दाखल करण्यात आला असुन गुन्ह्यात वापरलेले वाहन व संशयीत यांची चौकशी करण्याची मागणी केली जात आहे.
